{"id":52562,"date":"2025-12-26T11:53:19","date_gmt":"2025-12-26T10:53:19","guid":{"rendered":"https:\/\/elizagipuzkoa.org\/la-diocesis-de-san-sebastian-cerrara-la-puerta-santa-del-buen-pastor-el-domingo-28-de-diciembre-clausurando-un-ano-doblemente-jubilar\/"},"modified":"2025-12-26T17:48:43","modified_gmt":"2025-12-26T16:48:43","slug":"la-diocesis-de-san-sebastian-cerrara-la-puerta-santa-del-buen-pastor-el-domingo-28-de-diciembre-clausurando-un-ano-doblemente-jubilar","status":"publish","type":"post","link":"https:\/\/elizagipuzkoa.org\/eu\/la-diocesis-de-san-sebastian-cerrara-la-puerta-santa-del-buen-pastor-el-domingo-28-de-diciembre-clausurando-un-ano-doblemente-jubilar\/","title":{"rendered":"Abenduaren 28an, igandea, Donostiako Elizbarrutiak amaiera emango dio Jubileu bikoitzari Artzain Onaren katedralean"},"content":{"rendered":"

Abenduaren 28an, igandea,<\/strong> Artzain Onaren katedralak, Katedraleko Ate Santuaren itxiera<\/strong> ospatuko du. Ospakizun honek, azken keinua, edo \u201cbeste ekitaldi bat\u201d baino askoz gehiago izan nahi du. Donostiako Elizbarrutiak, Eliza osoarekin bat eginez, eta gure elizbarrutiaren 75. urteurrena<\/strong> aintzat hartuz, bizi izan duen Jubileu urte bikoitzaren<\/strong> amaiera ospatuko du (19:00etan).<\/p>\n

Hori dela-ta, elizbarruti osoari gonbidapena luzatzen zaio<\/strong>, anaitasunez, fedeaz eta benetako espiritu Jubileuaz beteriko<\/strong> une honetan parte hartzera. Egun hauetan entzuten den, eta albiste nagusia gogorarazten digun gabon giroa<\/strong>: Jainkoa jaio da, gizon egin da eta gure artean bizitzera etorri da.<\/strong><\/p>\n

\"\"<\/p>\n

Itxaropenaren ikurpean ospaturiko Jubileua<\/strong><\/h3>\n

Aurten bizitako Jubileua Frantzisko Aita Santuak deitu zuen \u201cSpes non confundit\u201d<\/strong> (\u201cItxaropenak ez du hutsik egiten<\/em>\u201d) idazkiaren eskutik. Testuinguru horretan, erromesaldiaren bizipena \u2014eta, bereziki, Ate Santua zeharkatzea<\/strong>\u2014 zeinu adierazgarria izan da: gure bizitza osoa \u201citxaropenaren atetik\u201d pasarazteko prest egotea.<\/strong><\/p>\n

\"\"<\/p>\n

Jubileu ibilbide honek Kristoren ikaslearen funtsezko jarrerak ekarri dizkigu gogora: erromes bezala ibiltzea, Jainkoarekin adiskidetzea, Elizaren alde otoitz egitea<\/strong> \u2014eta Aita Santuaren asmoen alde\u2014 eta Jaunarekin bat eginda bizitzea egintza onen bidez, eta zehazki, erruki lanen eskutik.<\/p>\n

Elizak, dakigun bezala, modu berezian ospatu nahi du bide hori 25 urtean behin<\/strong>, ohikoa dena, apartekoa bihurtuz, gure antolaketa, jarrerak, eta baita gure egiturak ere, barrutik mugiarazi<\/strong>, eta berriro oinez bidea egiten jarraitu dezagun<\/strong>.<\/p>\n

Itxiera bidalketa ere bada<\/strong><\/h3>\n

Munduko Elizaren Jubileu-ospakizunarekin batera, gure Elizbarrutiak, bere 75. urteurrenaren<\/strong> poza bizi izan du, comunio eta berritze espiritu berarekin. \u201cEliza hurbilean\u201d ospatzeak, gure errealitate zehatzean, mundu osoko elizarekin bat eginda bizitzen laguntzen digu.<\/strong><\/p>\n

Orain, JubileuUrtea amaitzear dago. \u201cAtea itxi egingo da\u201d, <\/strong>baina une horren zentzu sakona, amaiera baten kontrakoa da: barruko atea kanporantz zeharkatzeko bidea hasten da,<\/strong> mundura irtetekoa,<\/strong> hainbat gizon eta emakumerengan \u2014bazterretan, ertzetan, periferietan\u2014 huts egiten ez duen itxaropen <\/strong>hori ezagutzeko eta bilatzeko, eta, horrela, eguneroko bizitzan itxaropenezko erromes izaten jarraitzeko.<\/strong><\/p>\n

Espiritu honekin, Elizbarrutiak, fededunak, datorren igandean, abenduaren 28an,<\/strong> Artzain Onaren katedralera (19:00etan) azaltzera animatzen ditu. Bateginik, eskerrak eman, <\/strong>eta, Eguberrien argitan, misiolari mezua<\/strong> bidaltzea izango den Jubileu-amaiera elkarrekin bizi ahal izateko.<\/p>\n