{"id":54500,"date":"2026-02-05T17:14:09","date_gmt":"2026-02-05T16:14:09","guid":{"rendered":"https:\/\/elizagipuzkoa.org\/mirando-a-la-semana-santa-san-sebastian\/"},"modified":"2026-02-05T17:17:26","modified_gmt":"2026-02-05T16:17:26","slug":"mirando-a-la-semana-santa-san-sebastian","status":"publish","type":"post","link":"https:\/\/elizagipuzkoa.org\/eu\/mirando-a-la-semana-santa-san-sebastian\/","title":{"rendered":"Aste Santuari begira (Donostia)"},"content":{"rendered":"

Donostiak, mendeetan zehar ezagutu eta bizi izan ditu Aste Santuko prozesioak; XVI. mendean, jada, Alde Zaharreko kaleetan zehar ospatzen ziren. Hiriaren hazkundearen, eta Artzain Onaren parrokiaren eraikuntzarekin batera, 1927ko apirilaren 15ean, datorren urtean mendeurrena ospatuko duen,\u00a0Nazareteko Jesus Gure Aitaren Kofradiak<\/strong>\u00a0bere lehen urratsak eman zituen.<\/p>\n

Denborak eta aldaketa sozialek eraginda, 70eko hamarkadan utzi zitzaion hirian prozesioak egiteari (azkena, 1966. urtean ospatu zen).<\/p>\n

Gaur egun, lehen agerraldi erlijioso hartatik ia ehun urte igaro direnean, donostiar talde batek, ekimena berriro ere bultzatzea erabaki du; martxan jartzea, alegia. Fede-erakustaldia hau herritik abiatu da, eta belaunaldien arteko fedearen erakusgarri bihurtzea du helburu; sendiei, etab. zuzendua.<\/p>\n

Kontua ez da hutsetik hastea, ezta ezer berririk asmatzea ere, baizik eta egungo ikuspegi ireki eta parte hartzaile batetik, usadio bat indartzea.<\/p>\n

Artzain Onaren parrokian jatorria duen ekimenaren sustatzaileen iritziz, \u201cAste Santua, berriro ere bilgune izan daitekeela uste dugu, hau da, apaltasunez eta hurbiltasunez, fedea eta kultura herrikoia adierazteko gunea\u201d.<\/p>\n

Ikuspuntu horretatik abiatuta,\u00a0Nazareteko Jesusen Kofradia<\/strong>\u00a0martxan jarri da berriro ere, Ostiral Santu bakoitzean Donostiako kaleak zeharkatuko dituen prozesioa antolatzeko. Aurten,\u00a0apirilaren 3an<\/strong>\u00a0ospatuko da, arratsaldeko 20:30ean.<\/p>\n

Artzain Onaren prozesioak, garai batean, tamaina handiko dozena bat irudiz osatua egon zen. Aurten, Donostian zehar, bost ikusi ahal izango dira:<\/p>\n

– Jesusen otoitza Getsemanin<\/p>\n

– Jesus Pilatosen aurrean<\/p>\n

– Jesus Gurutzera bidean<\/p>\n

– Kalbarioa<\/p>\n

– Jesus hilobian.<\/p>\n

Laster, garizumako lehenengo ostiralean (otsailak 20) jakinaraziko da jendaurrean ekimena, eta nahi duen orok bat egin, eta Kofradian parte hartu ahal izango du:\u00a0fede lekukotasuna adieraziaz, Jesusen heriotzaren eta berpizkundearen pazko misterioaren espiritualtasuna era eraginkorrean bizitzea.<\/strong><\/p>\n

Jada, lehen urratsak eman dira, baina asko dago egiteko. Horregatik, antolatzaileek, euren denbora, ideiak eta ilusioa eskaini ditzaten, ekimenarekin bat egitera gonbidatzen dituzte donostiarrak.<\/p>\n

Nazareteko Jesusen Kofradiak antolaturiko prozesioan parte hartzeko izena aurretik eman egin dezakezu,\u00a0QR kode<\/u><\/strong><\/a><\/span>\u00a0honen bidez, edo\u00a0inprimaki<\/a><\/span>\u00a0<\/u><\/strong>hau bete eta Artzain Onaren sakristiara eramanez.<\/p>\n