Atzo, azaroak 9, igandea, Errenteriako Agustindarren elkartearen agurreko Eukaristia hunkigarria ospatu zen Hirutasun Santuaren elizan. Fernando Prado, gotzaina izan zen ospakizunaren buruan, eta alboan izan zituen, Mikel Aranguren, bikario nagusia, Inazio Etxarte, bizitza kontsakratuko elizbarrutiko ordezkaria, agustindar laguntzaile bat, eta Koldo Iribarren parroko klaretiarra.

Fededun ugari bildu zen mezan, eta baita alkatea buru zutela, Errenteriako agintari publikoak ere bertan izan ziren. Amaieran, dantzari talde batek bi dantza eskaini zituen —ezpata dantza eta aurreskua—, eta San Agustin abesbatzak hiru pieza kantatu zituen, amaiera ekitaldiari, kultura eta esker-agurra emanez.

Priorearen hitzak, sor Rosalia

«Eskerrik asko, gure On Fernando gotzain jaunari, gure Laguntzaileari, Presidente Federalari, apaizei, alkateari eta beste agintariei, eta azken txanpa honetan behar desberdinetan lagundu diguten pertsona guztiei. Eta, nola ez, bertaratu zareten guztioi.

Gu moja agustindarren komunitate monastikoak gara, Hirutasun Txit Santuko monasteriokoak. Monasterioaren lehen urratsak 1543. urtekoak dira, eta harrez gero, 2025era arte egon gara hemen; 482 urte Errenterian.

Beti aritu gara elkarlanean Errenteriako herriarekin, eta kristau elkartearekin, eta, lan honen ondorioz, 1961ean, herriak, hala eskatuta, San Agustin ikastetxe ezaguna ireki genuen, 1995era arte zabalik mantendu genuena, nahiz eta, gure karisma hau ez den, bizitza kontenplatiboko eta klausurakoak baikara.

Auzoan, eskola bat behar zenez, eskakizun demografikoengatik eta eman zitekeen testigantza ebanjelikoagatik, 1961ean, Kongregazio Santuak, bere aldeko oniritzia eman zion ibilbide horri.

Era berean, Errenteriako monasterio honek beste bat eraiki zuen Aldazen (Nafarroa) XIX. mendearen amaieran; monasterio berri bat zabaltzera joan ziren komunitate honetako Ahizpa kopuru bat.

Aldaketa sozialen garai berri hauetan, jakitun gara, berregituratu eta egungo beharrei hobeto erantzun ahal izateko, komentu eta monasterio asko ateak ixten ari direla. Horregatik, guk, bokazio faltagatik, beste herri batzuetako hiru Komunitate hartu ditugu.

Orain, guri dagokigu Bilboko Santa Monika Komunitateak, guri, harrera egitea, eta 482 urteren ondoren, Errenteriako herriari agur esatea. Gu Bilbora goaz, baina Errenteriako kristau-elkarteak eta gure elizbarruti maiteak bizirik diraute. Bizi garen bitartean gogoratuko zaituztegu. Eskerrik asko guzti-guztioi».

Aita Santuaren bisita

Arrebek gogoratzen duten bezala, duela hamar urte, Leon XIV.a Aita Santuak, komentua bisitatu zuen. Pertsona apala, xumea, tresbatua eta behar duenari laguntzeko prest dagoena, dela diote.

Bere otoitz, testigantza eta zerbitzu isilagatik esker onez, Errenteriako kristau-elkarteak, eta Elizbarrutiak, agustindarrei gorazarre egiten diote Bilboko Santa Monika Elkartean hasiko duten aro berrian, lotura espiritualek eta oroitzapenak bizirik iraungo duten ziurtasun osoz.

• Lee aquí la homilía del Obispo.