ZER EGITEN DUGU GIZARTEAREN ALDE
Fedea
Jainko Aita, Seme eta Espiritu Santuan sinistu, eta baita mugarik gabeko bere maitasunean.
Itxaropena
Zailtasunak gainditu, gaizkiaren aurrean ez gogogabetu, eta mundu hobe baten alde lan egitera bultzatzen gaitu.
Laguntza
Jainkoa gauza guztien gainean maitatzea eta hurkoa zure burua bezala. Karitateak, eskuzabalak, solidarioak, errukiorrak eta besteekiko gupidatsuak izatera garamatza, batez ere behar gehien duten pertsonekiko.
Zuhurtasuna
Guretzat eta gainerakoentzat zer den ona eta komenigarria bereiztea; horren arabera guztion ongiaren bila lan egitea.
Indarra
Beldurrak edo etsipenak garaitu gabe, ezbeharrei, arriskuei eta tentazioei aurre egiteko adorea izatea.
Gardentasuna
Eliza bakar bat izan behar dugu jendearentzat, eta zeregin hori komunikazio zintzo eta eraginkor batekin bakarrik egin ahal izango da.
Kultura eta hezkuntza
Donostiako Elizbarrutiak tradizio luzea du Euskal Herrian kultura eta hezkuntza bultzatzeko. Hasiera-hasieratik, pertsonen prestakuntza bultzatu izan du, baita kulturen arteko elkarrizketa eta aniztasunarekiko errespetua ere. Elizbarrutiak hezkuntza, kultura eta pastoraltza eskaintza zabala eskaintzen du, haur hezkuntzatik hasi eta unibertsitateraino, bai eta, irakaskuntza erlijiosoa, gizarte ekintza, artea edo musika barne.
Laguntza
Gipuzkoako Elizak, lagun hurkoa maitatzeko mandatu ebanjelikoari jarraituz, laguntza eta karitate lan handia egiten du bere instituzio eta erakunde ezberdinen eskutik. Horien artean, Donostiako Elizbarrutiko Caritas (Gipuzkoako Caritas) nabarmendu behar da. Eliza katolikoari bere misio pastoral eta sozialean laguntzen dion erakunde-pontifizea de Caritas. Donostiako Elizbarrutiko Caritasek (Caritas Gipuzkoa) parrokietako Caritasen sare zabala du, eta egoera zailean dauden pertsonei, harrera egin, entzun eta laguntzen die, euren bizi-kalitatea hobetzeko baliabideak eta aukerak eskainiz. Gainera, sentsibilizazio, prestakuntza, enplegua, etxebizitza, osasuna eta giza-larrialdietako proiektuak garatzen ditu, bai Gipuzkoan, bai eta munduko beste herrialdeetan ere. Lana eta komunitatea oinarri hartuta, Donostiako Elizbarrutiko Caritasek (Gipuzkoako Caritas) gizarte solidarioa izan gura du, anaitasunarekin eta guztion ongizatearekin konprometitua.
Ebanjelizazioa
Elizaren egiteko nagusia ebanjelizatzea da. Hau da, gure garaiko emakume eta gizon guztiei, Jesukristoren Berri Onaren iragartzea. Horretarako, kulturaren, hezkuntzaren, gizartearen eta Elizaren arloan, Ebanjelioaren komunikazioa errazten duten hainbat bitarteko eta baliabide ditu. Horien artean, azpimarratzekoak, besteak beste, formazio ezberdinak, laikoen taldeak, komunikabideak edo Idatz Elizbarrutiko argitaletxea eta liburu-denda nabarmendu behar dira. Bidean dagoen Eliza izateko lan egiten dugu, pozez eta itxaropenez Jaungoikoaren Maitasuna pertsona guztiei iragartzen duena, batez ere urrunen eta behartsuenei.
Pastoraltza
Kristau eta giza bizitzaren esparru guztiak hartzen dituen Pastoral zabal eta anitza dugu. Elizbarrutiko pastoraltza hainbat arlotan antolatzen da, fededunen eta gizartearen behar eta eskariei erantzunez. Esate baterako, Gazte eta Bokazio Pastoraltza, Pastoral Soziokaritatiboa…