Urte amaiera honetan, Donostiako Gotzaindegitik “Eraberritze Pastoral eta Misiolariaren” prozesuaren azken aurrerapenak partekatu nahi ditugu. Azaro eta abenduan kristau elkarte ezberdinetara egindako bisiten bigarren erronda amaitu dugu, lehen bileren emaitzak partekatuz. Lehen txandan 37 zona bisitatu baziren, oraingo honetan 32 bisitatu dira; komunitate batzuek, motu proprio, bat egitea erabaki baitute.

Zonen mapa honek eboluzionatzen jarraitzen du, beti ere zonaldeek proposatuta. Etorkizun hurbilari begira 29 zonetara pasatzea aurreikusten da. Eraberritze prozesuan laguntzeko eta dinamizatzeko helburuarekin, apaiz, erlijioso/a eta laikoez osatutako lantaldeak sortzea planteatzen da, gazteen eta pertsona migratuen ahotsa ere jasoz, besteak beste.

Urtarriletik aurrera, talde horiek hausnarketa prozesu bat abiatuko dute, eta horretarako Gotzaindegitik materialak bidaliko dira eta laguntza eskainiko da. Eraberritze bide honek, gainera, dimentsio espiritual bizia izango du 2025ean zehar, bereziki “Hitzarekin Topatuz, Jainkoagan jartzen dut nire Itxaropena”.

Gogoratzen dizugu ere “Eraberritze Pastoral eta Misiolariaren”  atal bat prestatu dela gure webgunean, eta bertan informazio eta dokumentazio garrantzitsua eskuragarri dagoela.

Eskerrik asko zuen konpromiso eta parte-hartzeagatik fede eta misioa eraberritzeko bide honetan! Urte berri on eta zoriontsua opa dizuegu!