Donostiako Elizbarrutiko Gazte-Bokazio Pastoraltzarako Ordezkaritzak apaiz, erlijio lagunarte, mugimendu eta pastoral eragile guztiei, gonbidapena luzatu die, Gotzaina bertan izango den elizbarrutiko topaketa batean parte hartzera. Gipuzkoako gazteei Ebanjelioa ezagutarazteko, misioa indartzea eta koordinatzea da helburua.

“Gazte-Bokazio Pastoraltzaren desafio eta erronka funtsezkoa da gure Elizbarrutiko Elizaren ebanjelizatze xedean”, azpimarratzen du Gazte-Bokazio Pastoraltzarako Ordezkaritzak. Lan honek pizten dituen sentimenduen aniztasuna aitortzen du, “gogo biziarekin eta sormenetik” hasi, eta “ezintasuna edo kezkaraino”. Baina ideia nagusi bat azpimarratzen dute: “Jaunak guztiok behar gaitu, guztiok, guztiok, Berarekin elkarlanean aritzeko”.

Topaketa funtsezko hiru helbururekin antolatu da:

1. Jaunartzea sustatzea: elizbarrutiko errealitate ezberdinak topo egin dezaten, ezagutu eta baloratu ahal izateko espazio bat sortuz, anaiarteko jaunartzea eraikiz.
2. Lan esparru berria aurkeztea: etorkizuneko ekintzetarako gida izango den, 2024ko azaroan Espainiako Gotzainen Batzarrak onartutako “Gazteentzako Pastoraltzaren Esparru Proiektua” ezagutaraztea.
3. Sinodalitatean eraiki: ahots guztiak entzunez, Gazte-Bokazio Pastoraltzaren bidea elizbarrutian elkarrekin gorpuzteko eta zehazteko bidea

Ordezkaritzak, jardunaldi honetan, “indar guztiekin”, parte hartzera animatzen du, “Gipuzkoako gazteek Aita, Seme eta Espiritu Santuaren Deiera Amaigabearekin topo egiteko”.

Formaliza la inscripción aquí. // Lee la carta de la Pastoral aquí

Parte hartu nahi duen pertsona guztiek, elizbarrutiko ohiko komunikazio-iturrien bidez jakin dezakete informazio honen berri.