D ´Museoak Clara Romero Giménezen 13 margolan aurkezten ditu. Bertan,  artistak bere mundua eta esker ona jasotzen eta adierazten ditu, bere barrutik  ateratzen den keinu pintura adierazkor baten bidez. Burua, bihotza eta eskuak  dira adierazpen horri forma ematen dioten hiru elementuak.

Clara Romero Giménez Donostian jaio zen 1961ean, eta lau anai-arreba zituen. Familiaren etxean, amaren edertasunarekiko gustu ona eta sentiberatasuna  arnasten zen. Bere bizitza profesionala pinturaren eremutik kanpo garatzen da. Hala ere, duela 3 urte Clararen bokazio piktorikoa pizten duen detonatzaile bikoitza dago. Alde batetik, bere bizilekutik gertu hondatuta dagoen ermita  batean aurkitzen duen bakea eta lasaitasuna direla-eta, ermita “pinturaz apaindu” behar du. Bestalde, meditazio eta garapen pertsonaleko talde batean bizi izanak hilero talde horrentzat obra bat margotzera bultzatzen du.

Berak dioen bezala, “Nire koadroak sakonetik sortzen dira, natura, bestearekiko eta neure buruarekiko lotura”. Oso modu kontziente eta kontzentratuan margotzen du beti, eta, batzuetan, musika (gregorianoa edo musika barrokoa, batez ere) “mantra” gisa erabiltzen du. Mantra horrek laguntzen dio pinturan, baina errealitatetik eta kontzientziatik ihes egin gabe. Bere pinturaren bidea burutik bihotzera doa, eskuen bidez adieraziz.

Clara Romerok eskuekin margotu behar du, materiarekin kontaktua behar du, pintzelak bezalako bitartekariak ezabatuz. Olioa erabiltzen du, lehortzeko behar duen denborak eskultura gisa lantzeko aukera ematen baitio.

Berak azaldu bezala, “Pinturak sortzen doaz eta erakutsi nahi dutena erakusten dute. Beren borondatez agertzen dira. Zeharka begiratzen diet, edo urrun samar, beren hizkuntza itzuli nahian. Beti pausotxo bat atzetik, harriturik eta irribarrez.

Nik margotzen ditudalako ilusioarekin sinistuta, baina errealitatea da haiek  marrazten nautela. Margotzen ari naizen bitartean ikasten ari naiz, eta  margotzen ari naizen bitartean ikasten. Horrek joan-etorriko bidea dakar,  sakonaren, edertasunaren eta egiaren bilaketa. ”