Gaur, irailak 25, ikasturtearen hasiera ekitaldia ospatu da Deustuko Unibertsitateko Donostiako Campusean. Bertan izan dira, besteak beste, ikasketa aginpideak, herritarrak, ikasleak eta hainbat erakundetako ordezkariak.

Urtero, Bilboko eta Donostiako campusen artean txandakatzen den ekitaldi hau, 10:30etan hasi da ohiko Espiritu Santuaren mezarekin, Fernando Prado Donostiako gotzaina buru zela.

Bere homilian zehar, ikasturte berriko erronkei itxaropen eta bereizkuntzez aurre egitearen garrantzia azpimarratu du Gotzainak. Bide batez, unibertsitatearen garrantzia azpimarratu du, eta jakindurian eta konpromisoan hazteko leku paregabea dela gogorarazi du.

Donostiako Zinemaldian oinarrituta, aipatu du zinemak istorioak amestera eta partekatzera gonbidatzen duen bezala, bizitza akademikoak, erabaki eta ekintza zehatzekin gure historia idaztera gonbidatzen digula azpimarratu du.

Gotzainak gogorarazi du, dizipuluak bezala, erronkek jota senti daitekeela ikasle eta irakasleak, adibidez, adimen artifizialak eta beste aurrerapen zientifiko batzuek mahairatzen dituzten galdera etikoak kasu.

Hala ere, Jesusek bere bakea eskaintzen jarraitzen duela adierazi du, guztiok misioan bidaltzen gaituela etorkizun gizatiarrago eta bidezkoago bat eraikitzera. Ildo honetatik, unibertsitatea osatzen dutenei Ignaziotar ‘iparra’ aintzat hartzera gonbidatu ditu gotzainak, hau da, besteen alde eta Jaungoikoaren aintzarik handienaren alde, beti gehiago egitea.