Abenduaren 22an, igandea, Irungo Artigako Kristo Donearen parrokian, Mikel Aranguren Bikario Nagusiak Eukaristia bat ospatu zuen 1974ko Gabon-gauean izan zen lehen meza ospatu zenetik 50 urte bete direnean. Eliztar talde handi batek eta Irungo hainbat apaizek parte hartu zuten ospakizunean.

Bere homilian, Bikario Nagusiak azpimarratu zuenez, “urteurren hau Jainkoari eskerrak emateko aukera da, bere lan, ahalegin eta sakrifizioari esker parrokia hau harrera, otoitz, Kristorekiko topaketa eta behartsuenentzako zerbitzu lekua izatea posible egin duten guztiengatik”.

Era berean, Abendualdia itxaronaldiaren inguruan hausnartzeko une aproposa dela azpimarratu zuen: “Mariak bere semearen etorreraren zain fede eta konfiantzaz egon zen bezala, gu ere maitasunez itxarotera deituak gaude”. Amaitzeko, honako hau esan zuen: “parrokia honen historia itxarote aktibo horren eredua da, 50 urte hauetan fedean eta komunitatean elkarrekin nola hazi zareten erakusten duena”.

Eukaristiaren amaieran, efemeride hau zela-eta, prestatutako liburuxka bat aurkeztu eta eliztarren artean banatu zen.