Gaur, 170 lagun bildu dira Seminarioan Ebanjelizazioaren Lehen Jardunaldia ospatzeko. Elizaren elkartasunerako topaketa izan da; azkar aldatzen ari den mundu sekularizatu honetan, Espirituari elkarrekin entzuteko, eta gure eginkizun ebanjelizatzailea sendotzeko gunea hain zuzen ere.

Jardunaldiak Elizaren dei misiolaria azpimarratu du, misio-giltzarri den katekesia eta hasiera kristaua berriro berraurkitzeko: iturrira itzuliz, lehen kristauen espiritua berrituz, eta egiazko ekintza pastorala Jaunarekin bat egitearekin sortzen dela aitortuz.

Jardunaldia, 09:30etan jarri da martxan ongi etorri otoitzarekin. Musika lagun, Markosen Ebanjelioa 6, 7-13 irakurri da, Hamabiei egindako deia gogoratuz. Ondoren, On Fernando Prado, Donostiako gotzainak, jardunaldia aurkeztu du, espiritualitateaz, kristau komunitatearen biltzearen garrantziaz, eta gazteen itzuleraz elizara ausnarketarako gai harturik.

Jardunaldiaren ardatz nagusia Juan Carlos Carvajal Blanco irakaslearen ekarpena izan da; Ebanjelizazioaren eta Katekesiaren Teologiako katedradunak, bi hitzaldi eskaini ditu:

1. “Kristau sarbidea, misio ebanjelizatzailearen funtsezko gunea”.
2. “RICA, Elizaren Kristau Sarbidearen erreferentzia-esparrua”.

Hizlariarekin eta bertaratutakoekin — parrokia-taldeak, katekistak, pastoraltza-eragileak eta kristau-elkarteetako kideak — hitz egiteko eta gogoeta partekatua egiteko aukera izan da, giroa sortu da, misioaren sua berpizteko. Jardunaldia 14:00etan amaitu da, luntx baten eskutik.

Hitzaldiaren bideo osoa Donostiako Elizbarrutiko YouTube kanalean argitaratu da.

Juan Carlos Carvajal Blanco: “La iniciación cristiana, núcleo esencial de la misión evangelizadora”

Juan Carlos Carvajal Blanco: “El RICA, marco de referencia de la iniciación cristiana en la Iglesia”