Joan den ostiralean, urriaren 18an, espiritualtasun eta debozio sakoneko eguna bizi izan genuen, Sakramentu Santua, San Martin Gotzaina parrokiatik Artzain Ona katedralera eramanda. Goiza euritsu hasi bazen ere, eguraldiak hobera egin zuen arratsaldean, prozesioa arazorik gabe ospatu zelarik.

Ospakizuna 17:00etan hasi zen, San Martin Gotzaina eliza guztiz bete batean. Eliztarrak, Pablo Ormazabal, adOrako kontsiliarioa, eta apaiza buru izan zuen mezan parte hartu zuten.. Ospakizunean, beste apaiz batzuen artean, Mikel Aranguren bikario nagusiak, Jon Molinak, katedraleko parrokoa, eta Unai Manterolak, Liturgiako arduraduna eta Artzain Onaren eta San Martin Gotzainaren parrokietako bikarioak ere parte hartu zuten.

Meza ondoren, eta zerua oskarbi zegoela, Jainko Santua prozesioan eraman zuten Artzain Onaren katedralean egokitutako kaperaraino. Ibilbidean fededun ugari izan ziren, giro solemne baina alaian, kristau-elkartearen fede sakona agerian geratu zen.

Irudia katedralera iristean jardunaldiari amaiera eman zitzaion, eta bertaratutako guztien oroimenean, eguna, berrikuntza espiritual gisa gogoratua izango da. Fernando Prado monsinoreak, pastoral ikasturtearen hasieran gogorarazi zigun bezala: “Beste ezer baino gehiago, beharrezkoa, berrikuntza espirituala da. Lehena. Lehentasuna duena”.

Ekitaldi honekin, duela 12 urte martxan jarri zenetik AdOrak irudikatu duen betiko gurtzaren konpromisoa berritu nahi izan da, Jesukristorekin aurrez aurre bat egiteko espazio bat eskainiz.

Argazkiak: Flickr