“Gure bizitza konfiguratzeko garaia da Garizuma”, eta joan den igandean, martxoaren 17an, Donostiako Elizbarrutiko Pertsona Migratuen Pastoraltzak, Garizumako Erretiroa antolatu zuen seminarioan, “Ez ezazu hondoa jo” lelopean. Eta horretarako, hondoratu ez gaitezen, sei hitz erabili zituzten: Anima zaitez, Izan argia, Fidatu, Arriskatu, Errezatu eta Egin aurre.

Leire Atxega, Migratuen Pastoraltzako ordezkariaren hitzetan, “giro alaian, gure lagun Javier Montesek, Sevillako jesuita, zuzendu zuen jardunaldia. Garizumaren gako batzuk eman zizkigun, eta zergatik ospatzen dugun sakondu genuen; limosna, baraua, otoitza… Garizuman pertsona bat da guztiaren oinarri; Jesusek izan behar du gure indar guztien oinarria. Asmoak, ekintzak eta lanak, beren zerbitzuan eta gorespenean izan daitezela”. 180 pertsona helduk, eta 57 gaztek, haur nerabeak, parte hartu zuten jardunaldian. Oso erretiro abegikorra eta itxaropen handikoa, guztia, Donostiako Elizbarrutiko Liturgia taldeak antolatu eta koordinatua.

“Erretiroan zehar –azpimarratu du Leirek– bertaratutakoen artean, hainbat galdera sortu ziren indar handiz; “Ze unetan sumatu nuen hondoratzen ari nintzela?”, “Nola erreskatatu nau Jaunak?” Agian, lanabes bat izan naiz hondoratzen ari zen norbaiti Jaunak laguntzeko. Edo Jonas irakurri ondoren, zer esaten dit haren testuak?’. Galdera horien eskutik, Javier Montesek Garizumako gakoetan lan egitera gonbidatu gintuen.

Ondoren, kontenplazio-otoitz bat egiteko ordua iritsi zen; barne-ezagutza eskatzeko unea. “Hau da, ‘sakonki ezagutzeko begira jartzen gara’. Hauek izan ziren Kontuan hartu beharreko alderdiak: begiratzea, entzutea, aintzat hartzea, haztatzea eta iraultzea. Kontuan hartu behar da ikusitakoaren arrastoa; zer galdera azaltzen zaizkidan… Ondoren, Erretiroan parte hartu zuten guztiek solasaldi bat egin zuten, eta, ondoren, otoitz egin, eta Aste Santuari begira prestatzen joateko elkartu ginen”, dio Leirek.

Jardunaldiaren bigarren zatian, parte-hartzaileak talde txikitan bildu ziren, eta hainbat galdera erantzun zituzten: ‘Zer esan nahi diot Jesusi?‘, ‘Zer irrika adierazi nahi diot?’, ‘Zer harreman oparitu dizkit?’, ‘Zer pertsona zaindu naute?’, ‘Nor zaindu dut?’, ‘Zaintzeko deia sentitzen al dut?’, ‘Nola bizi ditugu Jainkoa sentitzen ez ditudan une horiek?’, ‘Zailtasunetik otoitz egiteko gai al naiz?’, ‘Zer oihu entzuten dituzu zuk gertu?’, ‘Eta urrutitik?’, ‘Zer egin galdera horien inguruan?’. Dinamikaren ondoren, bazkari bat zain zuten bertaratutakoek; talde batek maitasun eta mimo handiz prestatutako janari goxoa. “Anaiarteko festa izan zen”, adierazten du Leirek. “Atsedenaldi laburrak, adiskidetzea ospatzeko aukera eman zuen. Eukaristiaren jai handiaren sarrera. Kantuek, otoitzek, Jesusen hitzek burrunba egiten zuten, beti bezala, Pazkorako bidean, garizumako garai handi eta pozgarria, maitasun eta poztasunez hasteko”.

Leirerentzat handia izan zen gozamena, garizumako erretiroa ospatzeko, hainbat herritako pertsonekin elkartu ahal izatea: “Horregatik, eskerrak eman nahi dizkiet anai-arreben arteko topaketara etortzeko ahalegin guztia egin zuten pertsona guztiei”.