Ohiturari jarraituz, datorren larunbatean, azaroak 9, Elizbarrutiko Espetxe Pastoraltzak, ohiko batzarra ospatuko du “Itxaropenetik Askatasunerantz elkarrekin” lelopean.

Ekitaldiari, otoitz batekin emango zaio hasiera. Ondoren Patxi Aizpitarte, Elizbarrutiko Soziokaritate eta Misioen arloko arduradunaren agurra jasoko dute batzarrera hurbiltzen direnak.

Patxiren hitzen ostean, Espetxe pastoraltzako kapilau eta ordezkarien topaketaren berri emateaz gain, Espetxe Zuzenbidearen biltzarrari buruzko zein Gabonetako Kanpainaren inguruko informazioa zabalduko da.

Atseden baten ostean ekingo diote berriz lanari parte hartzaileak, eta informazio ezberdin eta galdera-erantzunaren atala amaitzean, ebaluazio batekin emango dute amaitutzat Espetxe Pastoraltzaren batzarrean bildutakoek.