Apaizgaientzako udako prestakuntza-astearen barruan, bokaziotzat ulertutako kristau bizitzara hurbiltzeko asmoz, Donostiako Elizbarrutiko Pertsona Migratuen Pastoraltzako ordezkaritzak, Santanderreko (Kantabria) Monte Corban elizbarrutiko seminarioan ospaturiko “Bizitza eta kristau misioaren astea” parte hartu berri du.

Jardunaldiaren helburua kristau bizitzara, bokaziotzat ulertuta, eta zehazkiago Bizitza Kontsakratuaren bokaziora hurbiltzea zen. Apaizgaiek herritar kristauen hainbat lekukotasunen eskutik, “Elizako deiera orok gizartearen eta haren egituren alderdi zaurgarrienekiko konpromiso eraldatzailea bultzatzen du; migrazioen munduan, etab.”, egiaztatu ahal izan zuten.

Espainiako Gotzainen Batzarreko (EEE) Bizitza Kontsakraturako eta Gizarte Pastoraltzarako eta Giza Sustapenerako Gotzain Batzordeak AMEIrekin (Atzerriko Misioen Espainiako Institutua) batera antolatutako astean, Comillaseko Unibertsitate Pontifikaleko Jose Manuel Aparicio irakasleak “Jainkoaz edo Jainkoarekin hitz egin giza mugikortasunetik. Migrazioen teologia”, hitzaldia eskaini zuen.

Fernando Redondo Pavon, Espainiako Gotzainen Batzarreko (EEE) Migrazioen Saileko zuzendariak, bere aldetik, EEEren pastoral aholku gakoetan sakondu zuen “Komunitate abegikor eta misiolariak” mintzaldiaren eskutik.

Jardunaldian, esperientzien mahai bat egon zen, eta Bilboko, Santanderreko eta Donostiako migrazio ordezkaritzetako partaideek, karitatea, pastorala, harrera eta migratzaileei laguntzeko testigantzen berri eman zuten.

Leire Atxegak, Donostiako Elizbarrutiko Pertsona Migratuen pastoraltzaren ordezkari gisa, “Presbiteroa Jainkoaren zerbitzari munduan” atalean parte hartu zuen.