Duela gutxi, Donostiako Elizbarrutiko Erlijio Zientzien Goi Institutuko klaustroak 2024-25 ikasturteko azken bilera egin zuen.

Institutuko zuzendariak, Mikel Iraundegik, adierazi zuen institutuko errealitatearen ezaugarria familia bat dela, non giroa oso atsegina den: “Institutuaren ingurunea oso positiboa izan da gizatasunari eta arlo akademikoari dagokienez”.

Formakuntza garrantzitsua da gure Elizbarrutiarentzat, eta Mikelek, Institutuaren eskerrona adierazi zuen irakasleen hainbat ekarpenengatik; “Oso gustura egon gara, beti, lana erraztu dutelako, eta ikasleek bere aldetik, eskaintza eta iraunkortasuna erakutsi dutelako”.

2025-2026 ikasturtean ez da unibertsitateko eskaintza akademikorik eskainiko, ezta aurrez aurreko eskolarik ere, baina ikasleek aukera izango dute Gradu Amaierako Lana (GAL) edo Master Amaierako Lana (MAL) aurkezteko.

Datorren ikasturtean ‘Asteazken Teologikoak’ ez dira etengo, bertaratu ohi den pertsona taldeak interes handia erakusten baitu prestakuntza horren inguruan. Gauza bera gertatuko da ‘Laguntza Eskolarekin’; hainbat eratan aukera izango da (udako ikastaroak…). Bestalde, Institutuaren egoera berriaren aurrean, Pedro Uranga, Heziketarako gotzain ordezkari berria izendatua izan da.

Fernando Prado Ayuso gotzain jaunak, irakasleen lana eta, batez ere, prestakuntzan emandako urteak eskertu zituen. “Orain, lan hori bera ematen jarraitzea nahi dugu baina beste eremu batean; prestakuntza plan berri baten eskutik”.

Gotzainaren hitzetan, “indarrak bateratzea da kontua”. Ez da bidea ixten. “Jende gehiagorengana iristeko aro berria da; bideak bere bidea jarraituko du gure Elizbarrutian erreferenteak izango diren pertsonak trebatzeko”.