FOESSA Euskadi Txostenaren Aurkezpena: parte hartu ezazu!
Abenduaren 3an, FOESSA Fundazioak eta Caritas Euskadik Euskadiko Bazterkeriari eta Gizarte Garapenari buruzko IV. FOESSA txostena aurkeztuko dute Gasteizen. Txosten hau estatuko eta Europa mailako datu-iturri nagusienetan oinarritzen da, eta estatuan erakunde pribatu batek egindako gizarteratzeari eta gizarte-beharrei buruzko inkesta handienaren informazioa biltzen du.
Hala ere, ez da ariketa akademiko neutro bat, baizik eta gizarte bidezkoago, ekitatiboago eta iraunkorragoa eraikitzeko konpromisoa duen ahalegin intelektuala.
Francisco aita santuak, Evangelii Gaudium apostolu-esortzunean, gogorarazten digu “pobrezia-egoerak sortzen dituten egitura-kausei aurre egitea ezin dela atzeratu; ez emaitzak lortzeko eta gizartea antolatzeko premia praktiko batengatik soilik, baizik eta gizartea ahul eta duintasunik gabe uzten duen gaixotasun batetik sendatzeko”.
Guzti honengatik, 2025eko FOESSA Euskadi Txostenaren aurkezpen ekitaldian parte hartzera gonbidatzen zaitugu, gure inguruan bizi dugun errealitatea sakon ezagutzeko ekitaldian. Hau da lehen pausoa —eta beharrezkoa—, pertsona guztien duintasunean eta justizian oinarritutako gizartea eraikitzen hasteko.
Parte hartzeko bi modu dituzu: aurrez aurre (EHU-ko Letren fakultateko Areto Nagusia. Gasteiz. 18:00) edo online. Bi kasuetan beharrezkoa da galdetegiaren bidez izena ematea.