Ayuda a la Iglesia Necesitadak antolaturik, otsailaren 19an, asteazkena, Familia Santuaren parrokiak (Jose Maria Salaberria 6, Donostia), Jean Boniface Somda apaizaren eskutik, “Iglesia perseguida en Burkina Faso” izenburupeko hitzaldia eta testigantza hartuko ditu.

Jean Boniface Somdaren testigantzaz gain, hitzaldiaren hasieran, Donostiako Elizbarrutiko Ayuda a la Iglesia Necesitadako ordezkariak, Burkina Fasoren nondik norakoak jakinaraziko ditu, eta aipaturiko Afrikako herrialdean Elizaren egoera azalduko du: indarkeriaren zergatia eta ondorioak…

Ildo beretik, Ayuda a la Iglesia Necesitadak zer lan egiten duen azalduko du: onuradunak eta laguntza nola zehazten den.