Aurreko urteetan bezala, datorren azaroaren 8an, eguerdiko 12:00etatik aurrera, Errioxako ardoen dastaketaz, eta txorizo lehiaketaz gozatu ahal izango da herriko plazan.

Beste behin ere, Azpeitiko parrokiako misio taldea arduratuko da txorizoaren salmentaz; bildutako dirua Afrikan garatzen ari diren bi proiektutara bideratuko da.

– Kisantu hirian (Kongo) landa eremuko haurrentzako eskolaurreko zentro bat eraiki eta abian jartzeko. Alboan (Jesuiten fundazioa) ari da proiektu hau kudeatzen.

– Moshiko eskola eta komunitatea (Kilimanjaro, Tanzania). Energia berriztagarrien proiektu honetan biogasa erabiltzen da hezkuntza-proiektu bat, liburutegia eta komunitatearen baliabideak garatu eta bultzatu ahal izateko. Proiektua, Misiones Diocesanasek bultzatu du, eta aurten ere, Mikel Garmendia azpeitiar misiolaria, bitartekaritza lanak egiten ari da.