Donostiako Elizbarrutiak, Iparraldeko Eremuko gainerako elizbarrutiekin batera, atzo Xabier-en (Nafarroa) ospatutako Migrazioen Ordezkaritzen Topaketan parte hartu zuen.

Jardunaldiak hainbat elizbarrutitatik etorritako 570 pertsona baino gehiago bildu zituen, fede, harrera, bizikidetza eta senidetasun giroan. Topaketak komunitateen arteko loturak sendotzeko, esperientziak partekatzeko eta migrazioaren errealitateaz ikuspegi ebanjeliko eta konprometitu batetik hausnartzeko balio izan zuen.

Ospakizuna otoitz uneek, lekukotzek, kultura-trukeak eta elkarguneek markatu zuten, aniztasunak dakarren aberastasuna eta Elizak pertsona migratuekiko duen konpromisoa agerian utziz.

Harreraren eta itxaropenaren lelopean, parte hartu zuten ordezkaritzek komunitate irekiak, inklusiboak eta senidetasunezkoak eraikitzen jarraitzeko konpromisoa berritu zuten, pertsona guztiek pertenentzia eta duintasunerako lekua aurki dezaten.