Gure elizbarrutia Eraberritze Pastoral eta Misiolaria helburu duen prozesu batean lanean ari da. Hau kontuan izanik, hainbat pauso eman ditugu orain artean:

• Prozesua martxan jartzeko elizbarruti mailako topaketa, 2024ko otsailaren 24an. 340 lagunetik gora eman zuten izena.
• Parrokietan galdeketa kuantitatibo bat betetzea (204 parrokietatik, txiki gutxi batzuk gelditu dira bete gabe).
• Elizbarrutian barrena, kristau elkarteei bisita: 37 bisita egin dira. Artziprestaldeak kontuan hartzen baditugu, era honetara egin dira bisitak: Beterrin 7, Urola Kostan 5, Goierrin 6, Mendebalden 9, Ekialden 2 eta Donostian 8. Bisita hauetako bakoitzera Eraberritze Pastoral eta Misiolarirako batzordeko kideak joan dira. Guztira 1.200 pertsonek hartu dute parte. Bisita hauetan Gotzainak, Bikario Nagusiak, Idazkari Nagusiak, artzipresteek, Era berritze Pastoral eta Misiolarirako batzordean dauden hainbat apaizek eta laikok hartu dute parte.

Hurrengo pausoa, zonalde bakoitzean hasierako ekipo bat osatzea izango da, Eraberritze Pastoral eta Misiolariaren inguruan tokian-tokian gogoeta egin eta erabakiak hartzen joateko.