Datorren irailaren 25ean, asteazkena, Deustuko Unibertsitateak, Donostiako campuseko Loiola aretoan, 2024-2025 ikasturtearen hasiera-ekitaldi handia ospatuko du. Fernando Prado Ayuso, Donostiako Elizbarrutiko gotzaina, bertan izango da, eta Espiritu Santuaren Meza gidatuko du (10: 30etan).

Ekitaldia 12:00etan hasiko da eta ondorengo egitaraua izango du:

• 2023-2024 ikasturteko memoria. Aurreko urteko lorpenen eta jardueren errepasoa.
• Hasierako hitzaldia. Cristina Iturrioz-Landart irakasleak, Ekonomia eta Enpresa Zientzien Fakultateko katedradunak – Deusto Business School, «Errotzea: pertsonen, enpresaren eta lurraldearen arteko sinergien palanka» izenburua duen hitzaldia eskainiko du:
• Errektorearen hitzak. Deustuko Unibertsitateko errektoreak hitz batzuk luzatuko dizkie bertaratutakoei.
• Eusko Jaurlaritzako Lehendakariaren mintzaldia. Imanol Pradalesek hitzaldi bat eskainiko du.

Deustuko Unibertsitateko errektoreak gonbidapena luzatu die unibertsitatea osatzen duten sail ezberdinei, eta baita bertaratzeko interesa duten pertsonei ere; parte hartu nahi duen orori, irailaren 16a baino lehen parte hartzea, hau da, bertaratzea berresteko gonbidatuz.

Deustu osatzen dutenentzat, ikasturte berri hau, itxaropenez eta aukeraz beteriko ikasturte berri baten hasiera da.