Gaur, irailak 24, Mesedeetako Amaren jaia ospatuko dugu. Espetxe Pastoraltzak, presondegian bizi diren hainbat pertsonaren bizitzatik urrun geratzen den errealitatea gertutik begiratzera gonbidatzen gaituen eguna.

Aurten, Espetxe Pastoraltzak, mezu erraz baina itxaropenez beteriko batekin hurbildu nahi gaitu: «Altxa begirada: baduzu etorkizunik».

Leon XIV .a Aita Santuak, Bartzelonako Brianseko presondegira egindako bisitan, zera esaten zien presoei: «“Altxa ezazue zuen begirada. Jainkoak ez du inoiz bere begirada gugandik aldentzen. Ezta, guk geuk, geure aukeretan sinesteari utzi diogunean ere. Bere maitasuna ez dago gure historiaren, gure asmatzeen edo gure akatsen mende. Jainkoarentzat pertsona baliotsuak izaten jarraitzen dugu, historia batekin, eta, batez ere, etorkizun batekin”».

Leon XIV.ak norabide hau oso ondo laburbiltzen duen esaldi bat esan zuen Briansen: «Jainkoak zaren bezala maite zaitu, baina hobeto amesten zaitu!». “Gu ere horrela begiratzera deituak gaude”, dio Espetxe Pastoraltzak. “Beti dago jaio daitekeen zerbait. Beti hazi, konpondu, adiskidetu eta berriro hasi daitekeena”.

“Eskerrik asko askatasunik gabeko pertsonekiko duzuen otoitz, hurbiltasun eta konpromisoagatik”.

Espetxe Pastoraltza