Frantzisko Aita Santua, 88 urte zituela, Santa Martan (Vatikano Hiria) duen etxebizitzan hil da, Farrel kamarlengoak, bideo bidez zabaldutako adierazpen batean jakinarazi duenez.

D.E.P.
Goian bego!
Zerura arte. pic.twitter.com/GAi8G9ct3Y

— Fernando Prado Ayuso (@ferpradocmf) April 21, 2025

Artzain Ona katedralean hil-kanpaiak jotzen ari dira goizeko 10.30etatik. Heriotza astelehen honetako goizeko 07:35ak aldera gertatu da.

Joan den otsailaren erdialdean ospitalera eraman zuten, aldebiko neumonia baten ondorioz. Ospitalean 37 egun eman ostean, eta bere osasun egoerak hobera egin zuela ikusita, martxoaren 29an jaso zuen alta. Aita Santuaren azken agerpena Pazko Igande honetan izan zen, San Pedro Plazan. Era honetan amaitzen da,atseden egunik gabeko, Elizaren historian arrasto ezabaezina utzi duen aitasantutza.

“Arratsalde on” esanez aurkeztu zen mundura. 2013ko martxoaren 13a zen, eta San Pedroko Plazako balkoitik esandako esaldi hori, herabetasun seinale gisa ikusi zuten batzuek, hau da, emozionalki nabarmena den egoera baten aurrean bat-bateko erreakzioa.

Baina agur soil horretan, Jorge Mario Bergogliok, jada, bere aitasantutza aurreratu zuen: ia hamabi urte bizi-bizi, hizkera argi eta zuzenarekin, formen gainetik, mamia lehenetsiz. Goian bego.

Aita Santuaren heriotzaren elizbarrutiko jarraipen informatiboa: 

• Donostiako Gotzainaren hitzak Frantzisko Aita Santua hil ondoren
• Oharra: Liturgia eta espiritualitate pastoraltzarako gotzain ordezkaritza
• Meza 19:00tan Artzain Ona katedralean Pazko Astelehenean
• Artzain Ona katedralak Frantzisko Aita Santuaren omenezko otoitz-idatzia jarri du
• Francisco Aita Santua: goxotasun, justizia, senidetasun eta maitasunaren ondare (Caritas Gipuzkoa)
• Artzain Ona katedralean ehunka lagunek agur esan zioten Frantzisko Aita Santuari Pazko Asteleheneko mezan
• Frantzisko Aita Santuaren aldeko Hileta-elizkizuna: Artzain Ona katedrala, astelehena, apirilak 28, 19:00etan
• Fernando Prado momsinorea: “Frantzisko Aita Santua gizon on eta ausarta bezala izango da gogoratua”
• El Espejo de Gipuzkoa: Frantzisko Aita Santuaren ondarea
• Frantzisko Aita Santuaren hileta-elizkizuna Erroman
• Otoitzaldia Artzain Ona katedralean (asteazkena, 19:30)