Ostegunean, otsailak 19, ELIKEL Fundazioaren Patronatuaren ohiko Batzordearen bilera garrantzitsu bat ospatu zen. Erakunde honek Donostiako elizbarrutiko hiru ikastetxeak kudeatzen ditu: Hondarribiko Ama Guadalupekoa, Azpeitiko Iraurgi, eta Mutrikuko Samiela.

Patronatuko kideen parte hartzearekin, Fernando Prado gotzainak zuzendu zuen bilkura.

Bileran, iazko urtearen azterketa zehatza egin zen, eta lortutako lorpenak eta fundazioak dituen erronkak aztertu ziren. Era askotako gaiak jorratu ziren; alderdi pedagogiko eta pastoraletatik hasi, eta antolakuntzako gaietaraino, eta ikastetxe bakoitzaren zeregina sendotzeko helburuarekin, kalitatezko kristau hezkuntza eskaintzeko ikuspegi amankomunpean.

Era berean, une honetako erronkak eta lehentasunak zehaztu ziren, etengabe aldatzen ari den gizarte eta hezkuntza testuinguruan, haurrak eta gazteak, prestatzen jarraitzeko.

Bilera espiritu berrituarekin amaitu zen, eta, hezkuntza-ezagutza ez ezik, ikasleen fedearen eta prestakuntza orokorraren hazkundea ere sustatuko duen hezkuntza-proposamen bat eskaintzen jarraitzeko poza nagusitu zen.

Bilerak, ELIKEL Fundazioak, eta bere ikastetxeek, kristau hezkuntzarekin duten konpromisoa islatzen du, baita egungo erronketara egokitzeko eta erantzuteko nahia ere. Beti ere, familiekin lankidetzan, begirada, ikasleen ongizatean eta garapenean jarriz.

Etorkizuneko proiektuengatik, bilera, ilusio berrituekin amaitu zen, eta bere zereginak berretsi zituen: espiritualtasun eta erlijio-heziketarako bidean, belaunaldi berriak bultzatu eta laguntzen dituen giza hezkuntza-elkartea.