Urriaren 9tik 11ra, hamahiru gazte Donostiatik Orreagara joan ziren, Pirinioen oinera, Donejakue Bidearen abiapuntuan Bibliako elkarbizitza bizitzeko asmoz. Fedearen aita den Abrahamen urratsak jarraituz, asteburuan zehar, elkarrekin, Biblia modu berri batean ezagutu zuten.

Abrahamek Jainkoari “Irten zure lurretik” entzun zion esaten, eta bidean barrena joan zen nora zihoan jakin gabe. Baina bere istorioa ez da heroi perfektu batena: beldurra du, oker dabil, zalantza du… Eta hala eta guztiz ere Jainkoak ez du inoiz albo batera uzten. Gazteek, atalez atal, beren bizitzaren berri izan zuten. Pauso bakoitzean, istorio horrek, Kristoren itxura misteriotsua zuela ikusi zuten; Isaacek antzera, egurra bizkar gainean zuela mendira igo, eta bere bizitzaz ere hitz egiten zien.

Saio bakoitzari taldeka ematen zitzaion hasera; Biblia ireki, eta galdera eta ohar-gida baten laguntzarekin. Parte-hartzaile askok ez zuten Itun Zaharra irakurria, eta harrituta geratu ziren zeinen bizirik dagoen ikusita.

Ondoren, laguntzaileek aurkitutakoan sakontzen lagundu zieten; gazteek partekatzen zuten elkarrizketa batekin amaitu zen saio bakoitza.

Asteburuak ere bere otoitz erritmoa izan zuen: Laudeak, Bezperak, Arratsaldeko Otoitzak, eta eguneroko meza. Orreagako inguruak ezagutzeko eta solasaldi luzeak izateko aukera ere izan zuten. Denok itzuli ziren berriz errepikatzeko gogoz.

Izango dute aukera: ikasturte honetan Bibliaren inguruko beste bi elkarbizitza saio geratzen dira, otsailaren 27an eta 28an, eta apirilaren 10ean eta 11n. Datak hurbildu ahala informazio gehiago jakinaraziko da.