Bi urtetik behin, Ayuda a la Iglesia Necesitada fundazioak Munduko Erlijio Askatasunari buruzko Txostena egin eta argitaratzen du. Aurten, erakunde horrek egindako 16. azterlana da, eta erakunde katoliko batek nazioartean egiten duen bakarra, hau da, Giza Eskubideen Adierazpen Unibertsalaren 18. artikuluan jasotako eskubide hori betetzen ote den aztertzen duena.

Txostenaren ondorioetako bat da munduko biztanleriaren % 62,5 (ia bi heren) erlijio-askatasunaren urraketa larriak dituzten herrialdeetan bizi dela. Erlijio-askatasuna izatea, eta horretaz gozatzea, ez da pribilegio bat, eta ez du gobernuen kontzesio bat izan behar, nahiz eta gaur egun, batzuetan hala iruditu.

Pertsona orok, munduko edozein herrialdetakoak eta edozein sinesmenetakoak, bermatuta izan behar du bere erlijio-askatasuna, hau da, gainerako gizabanakoen askatasunen oinarria dena. Fedea askatasunean bizitzeak diskriminazio larria edo jazarpena ekar dezake, eta herrialde batzuetan baita heriotza ere.

Maiatzaren 29an, asteazkena, arratsaldeko 19:00etan, Elizpe aretoan, Donostiako Artzain Ona katedralaren atzealdean (Urdaneta kalea 12), Munduko Erlijio Askatasunari buruzko Txostenaren aurkezpena egingo da.

Bertan izango dira:

– Fernando Prado Ayuso (Donostiako gotzaina).

– P. Jean Boniface Somda (Burkina Fasoko apaiza, eliza martiria eta jazarria).

– Jose Maria Gallardo Villares (Ayuda a la Iglesia Necesitada fundazioko zuzendaria).

Errealitate hori are gehiago ezagutarazteko eta pertsona gehiago sentsibilizatzeko, ekitaldira joatera animatzen zaitugu: Erlijio-Askatasuna, pertsona ororen eskubideen oinarria.