Ivan Benkok, Javier Minarekin hitz egin du idazle eta margolariak argitaraturiko Tras las huellas de San Francisco Javier en Asia liburuaren inguruan. Bertan, santuaren bizitzari buruzko biografia eta bidaia-egunkaria uztartzen ditu idazleak. Santuaren biografia eguneratzeko asmoa Nafarroako Aldundiarekin egindako lankidetzari esker jaioa zela azaltzen du Minak; hasieran, ikerketa, liburuetan oinarrituta hutsa izango zen baina Asia aldera eginiko bere bidaiak, zeresana izan du lanaren azken fruituan.

Elkarrizketan zehar, Xabierko San Frantziskoren bizitza eta motibazioak aztertzen dira, Loiolako San Inaziorekin izan zuen harremana, eta baita bere ebanjelizazioaren ikuspegi arrazionalista; elkarrizketa arrazionalaren bidezko uste osoan oinarritua.

Besteak beste, idazleak, Asiak, XVI. mendean bizi zituen baldintzak aipatzen ditu, hau da, berak eta bere taldeak bidaian aurkiturikoak. Adibidez, Macao eta Singapurreko kultura eta erlijio pasadizoen berri ematen du.