Joan den asteartean ospatu zen Donostiako Elizbarrutiko pastoral ikasturte berriko Laikoen Mahaiaren lehenengo topaketa. Mugimendu, talde eta artzapez-barruti ezberdinetatik etorritako parte-hartzaileak funtsezko gai baten inguruan bildu ziren hausnarketa, elkarrizketa eta otoitza partekatzeko: laikoek bizitza publikoan duten presentzia.

Bilera 18:00etan hasi zen, hasierako agur eta ongietorriarekin, eta, ondoren, ikasturte honetan laikoentzat aurreikusitako egitaraua eta hainbat informazio interesgarri zabaldu ziren.

Ondoren, Mikel Iraundegik, Ebanjelizatze Arloko arduradunak, sarrera hitz batzuk zuzendu zituen topaketaren gai nagusiari buruz: “Presentzia bizitza publikoan”. Bere hitzaldian, Elizaren misioaren alderdiak azpimarratu zituen, eta kristau laikoek beren buruari galdetu ziezaioten, zein modu zehatzetan dauden gizarteko esparru guztietan egoteko eta lekuko izateko deituak.

Ondoren, bertaratutakoek, talde txikitan, lan dinamika batean parte hartu zuten; gaiarekin lotutako hainbat baieztapenetatik abiatuta hitz egin zen. Helburua, sakontzea, sentsibilizatzea eta gogoeta bateratua bultzatzea izan zen, gaur egun bokazio laikoa gune publikoan bizitzeko erari buruz.

Iritzi trukaketaren ondoren, taldea berriro bildu zen talde bakoitzean partekatutako hausnarketak bateratzeko. Topaketa, ‘Gure Aita’ otoitza errezatuz, eta giro anaikor eta itxaropentsuan amaitu zen.

Lehenengo saio honekin, Laikoen Mahaiak ikasturte berriari hasiera ematen dio, elkartasunean eta erantzun-kidetasunean hazten jarraitzeko asmoarekin; laikoen parte hartze aktiboa sustatuz Elizaren ebanjelizatzaileranzko bidean.