“X bikoitza” markatu Errenta Aitorpenean, bi aldiz eta inolako kosturik gabe laguntzeko
2024ko Errentaren kanpaina iristearekin batera, Donostiako Elizbarrutiak gogorarazi du “Bikoitza laguntzea, doakoa da”, eta funtsezkoa dela Eliza Katolikoaren eta beste Helburu Sozialen laukitxoak aldi berean markatzea.
Keinu solidario horri esker, zergen %0,7 Elizaren zereginetara bideratzen da, eta beste %0,7 gizarte-lanak egiten dituzten erakundeetara, besteak beste, Caritasera. Guztira, PFEZaren (pertsona fisikoen errentaren gaineko zerga) %1,4ari esker behar gehien duten pertsonei laguntzeko bideratzen da, eta komunitate osoaren ongizatea sustatzen duten gaietara bideratzen da.
Zentzu honetan, on Fernando Prado gure gotzaina, fededun eta zergadun guztiei zuzenduko zaie Elizbarrutiko parrokietako eukaristietan irakurriko den eskutitz baten bitartez. Zera eman du aditzera:
“Datozen hilabeteetan, zergadun guztioi errenta aitorpenari aurre egitea dagokigu, gure zergen bidez gizarte zerbitzuei eta guztion ongizateari eusten laguntzen baitugu.
Jakina denez, keinu erraz baten bidez, hau da, Elizarekin lankidetzan aritzeko laukian “X” jarriz, aitorpenak, aukera ematen digu Elizaren jarduera askoren garapenean zuzenean laguntzeko.
‘X’ hori jartzeak gure laguntza behar duten “hainbaten alde” egitea suposatzen du, eta Elizak horiek altxatu eta integratu nahi ditu, gizarte bidezkoagoa, askeagoa eta solidarioagoa lortzeko. Hori egitea ez zaigu batere kostatzen. ‘X ‘jartzeagatik ez digute zerga gehiago kobratuko, ezta gutxiago itzuliko ere. Hala ere, keinu erabakigarria da, eta on asko egiten du.
Garrantzitsua da adi egotea inprimakiak betetzean, edo horiek betetzen laguntzen digutenek, gure borondatea adierazteaz ahaztu ez daitezen zaintzean”.
Dei horrekin batera, on Fernando Pradok aurreko kanpainan emandako erantzuna eskertzen du, eta konpromiso hori errepikatzera animatzen gaitu:
“Iazko errenta-kanpainak Eliza Katolikoaren aldeko aitorleen kopurua handitzea ekarri zuen. Berri on hau eskertu besterik ezin dut egin.
Bihotzez eskertzen dut gipuzkoarren eskuzabaltasuna, batez ere kristau-elkarteko kideena, jakitun zaretelako eta konpromiso horri eusten diozuelako.
Berriro ere gonbidatzen zaituztet zeuen errenta-aitorpenean Elizaren “X” markatzeko keinu sinple hau egin dezazuen, eta baita ‘beste helburu sozialak’ laukia markatzeko ere.
Dakizuenez, hau, gure zergen xedeari buruz erabaki dezakegun gauza bakarrenetako bat. Eskerrik asko keinu pertsonal honetan laguntzeagatik, beste askorenaz gain, jende askori egiten baitio on”.
“X bikoitza”: Elizarekiko eta gizarte-ekintzarekiko konpromisoa
Eliza Katolikoari eta beste Helburu Sozial batzuei eskainitako laukitxoa aldi berean markatzeak, zera esan nahi du helburu askoren artean, PFEZaren %1,4 misioetara, espetxe-laguntza eta birgizarteratzera, balio kristauetan heztera, elizbarrutiko kultura-ondarea babestera edo Caritasen laguntza solidariora bideratzen dela, eta Ebanjelioaren mezuaren eramaile izaten laguntzen digute.
Galderak eta erantzunak
– Eragiten al dio “X bikoitza” markatzeak nire patrikari? Gehiago ordaindu behar aldut?
Ez. Bi laukiak markatzeak ez du igoko ordaindu beharreko zenbatekoa, ezta itzulketa murrizten ere. Ez dakar kostu gehigarririk ere.
– Nola egin daiteke urrats hori?
Donostiako Elizbarrutiak bi laukitxoak markatuak izan direla egiaztatzearen garrantzia gogorarazten du, bai aitorpena pertsonalki egitean, bai gestore bati eskatzean. Nahikoa da inprimakian jasota dagoela PFEZaren %0,7a Elizara, eta beste %0,7 helburu sozialetara bideratu nahi dela ziurtatzea. Jarraian, eskura dauden aukerak zehazten dira:
- Telefonoz
o Deitu 943 11 30 00 telefonora, 8:00etatik 20:00etara, astelehenetik larunbatera.
o Eman zure NAN, eta adieraziko dizuten proposamenaren kodea.
o Galdetzen dizutenean, “biak” aukeratu; % 0,7 Eliza Katolikora eta beste %0,7 helburu sozialetara bideratu dadin.
- Gestoria batean
o Adierazi espresuki zure gestoreari edo zerga-aholkulariari bi laukiak markatzeko (Eliza Katolikoa eta helburu sozialak).
- Ogasunaren bulegoetan bertan
o Apirilaren 8tik aurrera egin dezakezu, apirilaren 4tik aurrera hitzordua eskatuta.
o Leihatila-ordutegia 08:00etatik 14:00etara da, astelehenetik larunbatera.
o Zure adierazpenaren datuak baieztatzean, egiaztatu ‘X bikoitza’ markatu duzula.
- Internet bidez
o Zure zirriborrora sartzean, “Aitortzailearen beste identifikazio datu batzuk” laukia bilatu, eta hautatu “Editatu” botoia.
o Pantaila berrian, aukeratu “biak”. Hau da, Elizaren eta helburu sozialetarako laukitxoak.
Inolako kosturik ez duen elkartasunerako gonbidapena
Gure gotzainak gogoratzen duen bezala, “X bikoitza markatzea (…) ez zaigu ezer kostatzen”. %1,4 horrek, parrokia-bizitzari, Elizaren gizarte-ekintzari, eta, batez ere, laguntza, hezkuntza eta duintasuna behar duten “hainbati” eusten laguntzen die.
Donostiako Elizbarrutiak gogorarazten dizu “X bikoitza markatzeak”, bikoitz laguntzen duela, inolako gastu gehigarririk eragin gabe. Zergadunak bere zergen zati bat nora joatea nahi duen erabakitzeko borondatea adierazten duen ekintza da.
On Fernando Prado Ayusok, bere mezuari amaiera emateko, bihotzez eskertzen die pausoa eman izanei, eta pertsona guztiak animatzen ditu beste hainbeste egitera:
“Eskerrik asko keinu pertsonal honetan laguntzeagatik, beste askorekin batera, hainbeste on egiten digu”.
Gonbidapen honekin, Donostiako Elizbarrutiak Jesusen mezua helarazten jarraitzeko konpromisoa berritzen du, eta elkartasunak aldaketa handiak eragiten dituzten ekintza txikietan islatzen dela gogorarazten digu.
Errenta-aitorpenean ‘X bikoitza’ markatzea aukera bat da gure zergen zati baten etorkizunari buruz erabakitzeko, eta, zuzenean, Elizarekin eta haren gizarte-lanarekin lankidetzan aritzeko.
Keinu sinple batekin, bikoitza lagundu dezakezu ezer kostatu gabe!
– Materialak: