“Itxaropenean erromes” Jubileu Ibilaldia (ekainak 19-22)
Aurten, Donostiako Elizbarrutiak pozez ospatzen du jubileu bikoitza: mundu mailako Jubileua, eta gure Elizbarrutiaren 75. urteurrena. Kristau-elkarte bezala gure fedea eta konpromisoa berritzeko une aproposa da.
Jubileu-ospakizun hauen baitan, oso ekitaldi berezira gonbidatzen zaituztegu. Jubileu-Ibilaldia, ekainaren 19tik 22ra ospatuko da, eta gure Elizbarrutiko Jubileu-elizak bisitatzeko aukera izango dugu: Arantzazuko eta Loiolako santutegiak, Zumarragako Antioko baseliza, Zarauzko Andre Mariaren Zeruratzea parrokia, eta Artzain Ona katedrala.
“Itxaropenean erromes” lelopean, mendian barrena lau etapa egingo ditugu elkarrekin, gure fedea eta gure elkarte-loturak indartuz. Otoitz egiteko, bidearen poza partekatzeko, eta Jaungoikoaren presentzia sorkuntzaren edertasunean eta anaitasunean egiteko aukera emango digu egun bakoitzak.
Jubileu Ibilaldiaren ibilbidea:
1. Ekainak 19 – Arantzazuko santutegia – Zumarraga (19 km).
2. Ekainak 20 – Antio (Zumarraga) – Loiolako santutegia (18 km).
3. Ekainak 21 – Loiolako santutegia – Zarautz (24 km).
4. Ekainak 22 – Andre Mariaren Zeruratzea parrokia (Zarautz) – Donostia (Donostiako Artzain Ona katedrala): amaiera.
Ibilaldia, ekainaren 22an Donostian amaituko da, arratsaldeko 17:00etan, Artzain Ona katedralean ospatuko den Eukaristiarekin; meza, Fernando Prado Ayuso gure gotzaina buru dela ospatuko da.
Parte hartzeko erak
- Mendi ibilbidearen 4 etapak.
o Ibilbide osoa, paraje ederrak zeharkatuz, eta Jubileu-eliza ezberdinak ikusiz.
- Etapa batzuk osatu.
o Prestasunaren arabera, etapa batean edo gehiagotan parte hartzeko aukera.
- Bizikleta.
o Bi gurpilen gainean ibilaldia egin nahi dutenentzat.
Era berean, azpimarratu nahi dugu Jubileu-Ibilaldi hau zabalik dagoela baldintza fisiko desberdinak dituzten pertsona guztientzat: ibilbideko hainbat zati lauak eta erraz ibiltzeko modukoak dira. Horrela, parte hartu nahi dutenek, bidea, beren aukeretara egokitu ahal izango dute, unean-uneaz erabat gozatzeko behar duten laguntza izango dutelarik.
Antolakuntzak, etapak igarotzen diren zonaldeetako kristau elkarteen laguntzari esker, otorduak eta lotarako lekuak (polikiroldegia, ikastetxeak..) erraztuko ditu.
Mugikortasuna errazteko, ekainaren 19an, autobus bat abiatuko da Donostiatik Arantzazura goizeko 8:00etan, Tolosan eta Oñatin geldialdiak eginez, nahi duten parte-hartzaileak eramateko. Gainera, ibilaldian zehar, furgoneta bat izango dugu, erromesei laguntzeaz gain, motxilak garraiatzeko.
Era berean, pertsonaren batek elikadura-alergiaren bat badu, antolakuntzari jakinaraztea eskatzen diogu, beharrei ahal dugun modu egokienean erantzun ahal izateko. Halaber, federatuta badaude, jakinarazi diezaguzuela eskatzen dizuegu, aseguruak ez dauzkatenei kontratatzeko.
Izen-ematea eta prezioa
- Izena emateko eguna: martxoaren 14tik ekainaren 13ra.
- Izena emateko prezioa: 10 euro pertsonako eta etapa bakoitzeko (istripu asegurua, afaria eta gosaria barne).
- Izena emateko, ondorengo parte-hartze esteka inprimakia bete behar da:
https://forms.office.com/e/L1xjfccYjh
Harremanak
Informazio gehiago nahi izanez gero, jarri harremanetan Leire Atxegarekin edo Jon Arrutirekin:
- Posta elektronikoa: ibilaldijubileo@elizagipuzkoa.org
- Telefonoa: 943 285 000
Gonbidapena kristau-elkarte guztiei
Parrokiak, elkarteak eta taldeak parte hartzera, eta ekimen hau zabaltzera animatzen ditugu:
- Iragarri ibilaldia eukaristietan, eta bilera pastoraletan.
- Animatu pertsona guztiak fede, anaitasun eta alaitasun esperientzia honekin bat egitera.
Jubileu urte hau graziazko beteriko garaia izan dadila guztiontzat. Jar dezagun gure erromesaldia, gure Ama, Arantzazuko Ama Birjinaren babespean, eta pauso bakoitza Artzain Onaren maitasun zaintzalearen esku. Bidean ikusiko dugu elkar!