Donostiako Elizbarrutiak datorren azaroaren 23an Loiolako Gogartetxean (espiritualtasun zentroan) egingo den Erretiro Espiritualean parte hartzera gonbidatzen ditu laiko guztiak.

“Adviento: tiempo para reavivar la esperanza” izenburupean, erretiroa Jose Javier Pardo, sj-ak zuzenduko du, eta Abendualdiaren etorreraren aurrean bihotza prestatzeko aukera ezin-hobea da; hau da, gure fedea eta itxaropena berritzera deitzen gaituen liturgia-aldia.

Erretiroaren egitaraua:

• 10:00: Harrera, ongietorri hitzak eta kafea.
• 11:15: Otoitz eta otoitz pertsonalerako guneak.
• 12:45: Eukaristia.
• 13:30: Bazkaria.
• 15:00: Otoitz eta otoitz pertsonalerako guneak.
• 16:30: Partekatzeko unea.
• 17:00: Agurra.

Atsedenaldia isiltasunean burutuko da, kafea hartzeko uneak eta egunaren amaieran iritziak partekatzeko gunean izan ezik. Jardunaldiaren hizkuntza gaztelania izango da, eta 20 euroko kostua izango du (egunean bertan ordaindu beharko da).

Izena emateko epea: azaroaren 15a baino lehen. Izena emateko, M. José Morenorekin harremanetan jarri, posta elektronikoz mjosemoreno@elizagipuzkoa.org edo 629 94 51 74 telefonora deituz.

Jardunaldia, Laikoen Gotzain Ordezkaritzak antolatu du, eta aukera paregabea da Abendualdiaren testuinguruan hausnarketari eta otoitzari egun bat eskaintzeko.

Zuen zain gaude graziaren eta izpiritua berritzearen garai hau elkarrekin igarotzeko!