Joan den asteartean, urriaren 15ean, Santa Teresa Jesusena, festa, Gasteizko seminarioan Iruñeko, Gasteizko, Bilboko eta Donostiako elizbarrutietako Bizitza Sagaratuko Bikario-Ordezkarien bilera ospatu zen. Aita Ignacio Echarte Donostiako Elizbarrutiko Bizitza Sagaratuaren Ordezkaria, joan zen topaketara.

Urteko lehen bilera izan den topaketa honek elizbarrutien arteko lankidetza eta parte-hartze ildo baten hasiera azaltzen du. Bileran zehar, Bikario-Delegatuek, euren elizbarrutietako Bizitza Sagaratuaren egoerari buruzko informazioa trukatu zuten, baita euren pastoral egitekoan dituzten zeregin eta erronkak ere.

Aita Ignacio Echartek Gasteizko seminarioan izandako ongi-etorria azpimarratu zuen:  “Harrera, bikaina izan zen, eta hainbat leku bisitatu ahal izan genituen”, esan zuen.

Lehen bilera honek etorkizunean lan-saio gehiago egiteko aukera ematen du, elkarrizketa eta lankidetza giroan.

Donostiako Elizbarrutitik topaketa honen ezaugarri izan zen anaitasun-izpiritua txalotzen dugu, eta elkartasun-gune hauek gure kristau-elkarteetan Bizitza Sagaratua indartzen jarraituko dutela espero dugu.