Aurten ere Haur Misiolarien jardunaldian haurrak Misioaren protagonista bihur daitezen, “Zure bizia, Misioa” lelopean, bi baliabide (Abendualdiko egutegia eta kanpainako bideoa) aurkezten ditu gure Elizbarrutiko Misio delegaritzak, parrokiei, ikastetxeei eta familiei zuzendua.

Abendualdiko Egutegia: Jesusen jaiotza prestatzen

Azaroan hasitako bideari jarraituz, Abendualdiko Egutegia tresna bikaina da haurrek Jesusi bidea azaldu diezaioten. Egutegi honek, egunean eguneko erronka txikiak proposatzen ditu:

• Keinu misiolaria. Ingurukoak lagundu, bakearen alde otoitz egin, senideekin detaileak izan…
• Barne begirada. Bihotza prestatu, Joanek eta Mariak egin zuten bezala, Jainkoari “bai” esanez.
• Misiolari txikiak. Helburua ez da soilik opariak jasotzea, baizik eta Jesusen berri ona besteengana zabaltzea.

Kanpainako Bideoa: “Zure bizia, Misioa”

2026ko urtarrilaren 18an ospatuko dugu Haur Misiolarien Eguna. Horretarako prestatu den bideoak argi erakusten du mezu nagusia: bakoitzak badugu dohain berezi bat; Jainkoak emandako “super-ahalmen” bat mundua hobetzeko.

• Bideoak gogorarazten digu Misioa ez dela urrutira joatea soilik. Misioa gure izateko moduan dago, gure eguneroko bizitzan, eta besteei eskaintzen diegun pozean.
• Haurrak ez dira elizaren etorkizuna soilik. Haurrak, oraina dira, eta mundu osoko haurrei laguntzeko konpromisoa hartzen dute.

Deia gure Elizbarrutiko familiei

Haur, guraso, irakasle, katekistak… gonbidatzen ditugu, material hauek, parrokia, ikastetxe eta taldeetan erabili ditzaten. Abendualdiko aste hauetan zehar, prestatu dezagun bihotza, gure bizia Misio bihurtuz, eta Jesusen argia mundu osoko haurrengana iritsi dadin lagunduz.

Informazio gehiago eta materialak: infanciamisionera.es edo Elizbarrutiko Misio Delegaritzan.