Gotzainaren gutuna: 2025eko Jubileu-urte Santuaren Hasierako Ospakizunerako Gonbidapena
2024ko abenduak 30
Anai-arreba maiteok,
Datorren urtarrilaren 6an, Jaunaren Epifanian, Frantzisko Aita Santuak bizitzera deitu gaituen Jubileu-urte Santua hasiko dugu gure elizbarrutian. Dakizuenez, Frantzisko Aita Santuak José Tolentino de Mendonça kardinala, Kultura eta Hezkuntzarako Dikasterioko Prefektua bidali digu jubileu unibertsalari hasiera emateko, eta -Eliza unibertsalarekin bat eginik- “diamantezko ezteiak” ospatzeko (gure elizbarrutiak 75 urte bete ditu). “Harengan gure Itxaropena” nire pastoral gutunean iragarri nuen bezala, datozen egunetan, Jubileu-urte Santua ere zabalduko da Arantzazu eta Loiolako santutegietan.
Bereziki gonbidatu nahi zaituztet datorren urtarrilaren 6an, arratsaldeko 7etan, Artzain Onaren Katedralean Jubileua irekitzeko liturgia ospetsuan parte hartzera. Biziki gonbidatzen zaituztet Elizbarrutiko apaiz guztiak, sekularrak eta erlijiosoak, aldarean elkartzera, kardinalarekin batera. Bizitza sagaratua eta laiko guztiak ere gonbidatzen zaituztet, guztiok elkarrekin osatzen baitugu Jainkoaren herria. Jubileuurtea gure elizbarrutiko bizitzarako benetan garrantzitsua izango den esperantzaz, “Itxaropenean Erromes” gisa bideari ekin diezaiogun. Jainkoari eskatzen diogu lagun diezagula, bere Espirituaren indarrez, aldi hau konfidantzaz betetako bihotzarekin bizitzen, gure bizitzaren onena eskainiz, guretzat eta gure elkarteentzat benetako berrikuntza espiritualerako denbora izaki. Besterik gabe, jaso itzazue nire agurrik beroena eta nire desiorik onenak laster hasiko dugun 2025eko Jubileu-urterako.
In Corde Matris,
Fernando Prado Ayuso, CMF
Donostiako gotzaina