Donostiako Elizbarrutiak, elizbarrutiko “Gure Eliza/Nuestra Iglesia”aren bigarren atala aurkezten dizu. Gipuzkoako kristau elkartearen bizitza aberatsa eta anitza ezagutzeko baliabide aparta. Spotify eta laster YouTuben eskuragarri dagoen emanaldi berri honek Etorkinen Arreta Pastoraltza du ardatz, eta Elizak Gipuzkoan egiten duen lanari helduz, gure lurraldera heltzen diren pertsonak lagundu, harrera egin eta gizarteratzeko egiten duen guztia erakusten da.

Saioan zehar, Elizan, itxaropen eta laguntza aurkitu duten pertsonen testigantzak entzungo ditugu. Gainera, Leire Atxegak, Etorkinen Arreta Pastoraltzako ordezkaria entzuteko aukera izango dugu, Elizbarrutiak arlo honetan egiten duen lana sakondu dezan. Bere hitzek elkartasuna eta anaitasunaren arteko zubiak eraikitzean sortzen diren erronken eta aukeren ikuspegi hurbila eskainiko dizu.

Hausnarketa aberasteko, Espainiako Gotzainen Batzarraren “Cruzando Fronteras” podcasteko zatiak tartekatuko dira, gure inguruko migrazioen errealitatea eta kristau fedearen bidez helarazten den erantzuna hobeto ulertzeko.

“Gure Eliza/Nuestra Iglesia”, Spotify eta YouTube-ko bigarren atal hau entzutera gonbidatzen zaitugu, baita zure kristau-elkartearekin, lagunekin eta senideekin partekatzera ere.

Jarrai dezagun, elkarrekin, Eliza hurbila eta solidarioa eraikitzen, iristen diren pertsona guztien harrerarekin eta gizarteratzearekin konprometitua.