Gaur larunbata, jardunaldia ospatu da Gotzaindegian, parrokietako eta eliz erakundetako bulego, eta artxiboetan aritzen direnentzat, izan apaiz, erlijioso edo laiko.

Bertan izan dira, Luzia Alberro, idazkari orokorra; Jose Angel Garro, Elizbarrutiko artxibo eta liburutegiaren zuzendaria; Pablo Ormazabal, eliz-auzitegia, eta Santiago Reyes, notarioa.

Jardunaldi honetan zenbait arau, eta gidak gogoratu dira: sakramentu liburuei buruzkoak, zenbait sakramenturi dagozkien dokumentazioaz ari direnak (ezkontza-agiria, besteak beste), dokumentazioa artxibatzeari buruzkoak, eta abar.

Bertaratutakoek izan duten solasaldi eta iritzi-trukaketan zehar, beren zeregin ezberdinetan sortzen zaizkien gai edo zalantzak ere erantzun dira.